كان في هل عصفور غزتو شوكه راح يدور على مين يكمله اياها لاكة وحدة كاعدة بتخبز
كلها كميلي هل شوكة كمتلو اياها و حطتها بالنار
صار العصفور يصيح ويقول بدي شوكتي بدي شوكتي قالتله منا رميتها قلها بديش بدي شوكتي
قالتلو توخد هل رغيف بدالها
قالها ماشي اخد الرغيف و طار
لاكة وحدة بتفت بعدس لا الها ولاولادها كلها خودي هل الرغيف فتي لا الك ولاولادك منو
فتت لاالها ولاولادها و بعد ما فتت و اكلو صار العصفور يصيح بدي رغيفي بدي رغيفي كالتلو مهو اكلتو انا و الاولاد اعطيك واحد بدالو كالها يا رغيفي يا بتعطيني الديك
مسكتلو الديك و اعطتوه اياه و طار
شاف ناس برعو في الغنم قلهم خودو هل ديك اذبحو و كلوه اخدوه و اكلوه
صار العصفور يصيح بدي ديكي بدي ديكي كالوله ما احنا اكلناه كلهم يا ديكي يا بتعطوني هل سخل
اعطوه السخل اخدو و طار
لاقه ناس بروعو في بقر كلهم خدو هل سخل كلوه اخدو هل سخل و ولعو النار و شووه و واكلوه
صار العصفور يصيح بدي سخلي بدي سخلي كالولو ما انتا اعطيتنا اياه و اكلناه كالهم يا بتعطوني سخلي يا بتعطوني بقرة
اعطوه بقرة اخدها و طار
لاكه ناس بترعى جواميس كلهم خدولكم هل بقرة اخدوها و اكلوها و بعد ما اكلوها
صار يصيح بدي بقرتي بدي بقرتي كالوله ما انتا اعطيتنا اياها كلهم يا بقرتي يا بتعطوني جاموس
اعطوه جاموس اخدو و راح
لكا ناس بتزف العرسان كلهم خدو هل الجموس اذبحوه مشان العرسان راحو اخذوه و ذبحوه
صار يصيح العصفر جاموسي جاموسي رجعولي جاموسي كالوله ما احنا اكلناه كالوله احنا اكلناه كلهم يا جاموس يا العروس
وقعد ينطلهم و يصيح و يعيط من هان لا اعطوه العروس و صار يحكي
اويها يا شوكتي برغيف
اويها يا رغيفي بديك
اويها يا ديكي بسخل
اويها يا سخلي في عجل
اويها يا عجلي بجاموس
اويها يا جاموسي بعروس
و وقعت العروس منه و ماتت و ما استفاد ولا من اي اشي .